ठळक घडामोडी

पंतप्रधान नरेंद्र मोदी हे आज बुधवारी आयर्लंड आणि अमेरिका या 2 देशांच्या दौऱ्यावर रवाना होणार आहेत. आपल्या या दौऱ्यामुळे दोन्ही देशांचे भारतासोबत असलेले संबंध अधिक बळकट होतील, असा विश्वास मोदी यांनी व्यक्त केला.

 

तेल व डाळींसह जीवनावश्यक वस्तूंच्या किमती नियंत्रणात राहाव्यात व सणासुदीच्या दिवसांत त्या कडाडू नयेत यासाठी जीवनावश्यक वस्तू व्यापार नियंत्रण आदेशाला एका वर्षाने म्हणजे 30 सप्टेंबर 2016 पर्यंत मुदतवाढ देण्याचा निर्णय केंद्रीय मंत्रिमंडळाने घेतला आहे.

 

जम्मू काश्मीरमध्ये भारत - पाक सीमारेषेजवळ 3 पाकिस्तानी मुलं आढळली आहेत. गुरांचा पाठलाग करताना चुकून भारतात प्रवेश केल्याचा अंदाज असून त्यांची चौकशी सुरु आहे, अशी माहिती सीमा सुरक्षा दलाच्या अधिका-यांनी दिली.  

 

काही दिवसांपूर्वी काढण्यात आलेल्या देशद्रोहाची तरतूद असलेल्या परिपत्रकाला मंगळवारी मुंबई उच्च न्यायालयाने स्थगिती दिली आहे. लोकप्रतिनिधींवर टीका केल्यास तो देशद्रोह ठरविण्यात येण्याची तरतूद या परिपत्रकात होती.

 

जगातील सर्वात मोठ्या कार कंपन्यांपैकी एक फोक्सवॅगनला पर्यावरणाला हानी पोहोचवल्याप्रकरणी अब्जावधी डॉलर्सचा दंड ठोठावण्यात आला आहे. जाणकारांच्या मते भारतीय चलनात साडे अकरा खर्व रुपये (1150 अब्ज) एवढं मोठं नुकसान फोक्सवॅगनला सोसावं लागणार आहे.

 

दिनविशेष - २००२ - ’मोझिला फायरफॉक्स’ या ब्राउजरची पहिली आवृत्ती प्रकाशित करण्यात आली. १८७३ - महात्मा फुले यांनी सत्यशोधक समाजाची स्थापना केली.

 

दीपिका पादुकोन आणि रणबीर कपूर यांची प्रमुख भूमिका असलेला ‘तमाशा‘ चित्रपटाचा ट्रेलर प्रदर्शित झाला आहे. २७ नोव्हेंबरला हा चित्रपट प्रदर्शित होणार आहे.

 

नाशिक - केंद्र शासनाच्या 'स्मार्ट सिटी' प्रकल्पासाठी नाशिक महापालिका प्रशासन कामाला लागले आहे. केंद्र सरकारच्या निकषात पूर्णत: बसण्यासाठी महापालिकेने क्रिसिल या सल्लागार संस्थेची नेमणूक केली असून, ही संस्था आता स्मार्ट सिटीसाठी शहराचा आराखडा तयार करणार असून या कामासाठी क्रिसिलला केंद्र सरकार सुमारे सव्वा कोटी रुपये देणार आहे.

 

नाशिक - आता नगरपालिका आणि ग्रामीण भागातही केबल डिजिटलायझेशनचा निर्णय शासनाने घेतला आहे. त्यानुसार डिसेंबर २०१५ पर्यंत पहिल्या दुसऱ्या टप्प्यातील नागरी भागाव्यतिरिक्त शिल्लक असलेल्या भागात तसेच डिसेंबर २०१६ पर्यंत ग्रामीण भागात केबल डिजिटलायझेशन अनिवार्य केले जाणार आहे.

 

नाशिक - केंद्रीय सामाजिक न्याय अधिकारिता मंत्रालयाच्या डॉ. बाबासाहेब आंबेडकर फाउंडेशन या स्वायत्त संस्थेच्या वतीने  आंतरजातीय विवाह करणाऱ्या प्रत्येक दांपत्यास लाख ५० हजार रुपयांची मदत करणारी डॉ. बाबासाहेब आंबेडकर एकात्मिक आंतरजातीय विवाह योजना सुरू करण्यात आली आहे.


'कोर्ट' या मराठी चित्रपटाची ऑस्करमध्ये एंट्री, परदेशी भाषा चित्रपट विभागात भारताकडून 'कोर्ट' ऑस्करच्या स्पर्धेत.

पुणे: मानाच्या गणपतींना ३ ठोल पथकांची परवानगी, विसर्जन मिरवणुकीबाबत पुणे पोलिसांचा निर्णय.

कॉ. गोविंद पानसरे हत्याप्रकरण: समीर गायकवडला २६ सप्टेंबरपर्यंत पोलीस कोठडी

मुख्यमंत्री ग्राम सडक योजनेतून चांगल्या दर्जाचे रस्ते तयार व्हावेत यासाठी प्रयत्न- पंकजा मुंडे

मुंबई: जलयुक्त शिवारामुळे शेतक-यांचे नैराश्य कमी होईल, पहिल्या टप्प्यात १ लाख २० हजार कामे पूर्ण. जलयुक्तचा दुसरा टप्पा ऑक्टोबरपासून सुरू होईल - पंकजा मुंडेची पत्रकार परिषदेत माहिती

 कर्जबाजारीपणा, नापिकी व शेतमालाला मिळणारी अयोग्य किंमत ही शेतक-यांच्या आत्महत्येची प्रमुख कारणं - शरद पवार

मुंबई ७/११ लोकल बॉम्बस्फोट प्रकरण: १२ पैकी ८ आरोपींना फाशी व इतरांना जन्मठेप देण्याची सरकारी वकिलांची कोर्टाकडे मागणी. ३० सप्टेंबर रोजी होणार शिक्षेची सुनावणी.

अहमदनगरमध्ये पाथर्डी तालुक्यात एसटीला बैलगाडीची धडक बसून झालेल्या अपघातात १९ प्रवासी जखमी, ८ जणांची प्रकृती गंभीर

राष्ट्रवादी काँग्रेस अध्यक्ष शरद पवार यांच्या विदर्भ दौ-यादरम्यान विरा कार्यकर्त्यांचे आंदोलन 

मुंबई: विद्यार्थ्यांच्या दप्तरांचे ओझे कमी करण्यासाठी उपाययोजना तसेच अमलबजावणीच्या तारखेविषयी शाळांकरिता परिपत्रक काढा- मुंबई उच्च न्यायालयाचे सरकारला निर्देश

बीसीसीआयच्या बैठकीपूर्वी अध्यक्षपदासंबंधी कोणतेही तर्क नाहीत - राजीव शुक्ला

सौरव गांगुलीने घेतली पश्चिम बंगालच्या मुख्यमंत्री ममता बॅनर्जींची भेट, क्रिकेट असोसिएशन ऑफ बंगालच्या अध्यक्षपदी गागुंलीची वर्णी लागण्याची शक्यता.

भारत - पाकिस्तान क्रिकेट मालिकेसाठी आता भारताची मनधरणी करणार नाही - पाक बोर्डाचे अध्यक्ष शहरयार खान 

पंतप्रधान मोदी आजपासून आयर्लंड, अमेरिकाच्या सहा दिवसीय दौऱयावर
नवी दिल्ली - पंतप्रधान नरेंद्र मोदी आजपासून आयर्लंड आणि अमेरिकेच्या सहा दिवसाच्या दौऱयावर रवाना होत आहेत. दि. 23 ते 28 सप्टेंबर या कालावधीत हा दौरा असून या दौऱयात उभय देशांमध्ये महत्त्वाच्या करारांवर स्वाक्षऱया होणार आहेत. आज दुपारी साडेतीन वाजता पंतप्रधान मोदी डबनिलला पोहचतील. त्यानंतर पंतप्रधान एंडा केनी यांची ते भेट घेणार आहेत. सायंकाळी साडे सात वाजता तेथील भारतीय समुदायाशी ते संवाद साधणार आहेत. गेल्या साठ वर्षात भारतीय पंतप्रधानाचा हा पहिलाच आयर्लंड दौरा आहे. तसेच या दौऱयात पंतप्रधान मोदी फेसबूकच्या मुख्यालयाला भेट देऊन फेसबूकचे संस्थापक मार्क झुकरबर्ग यांची भेट घेणार आहेत, अशी माहिती सूत्रांनी दिली आहे.

पोखरणमध्ये लष्करी रणगाड्यांच्या सरावादरम्यान मेजरचा झाला मृत्यू
पोखरण - राजस्थानमधील पोखरणमध्ये काल रात्री भारतीय लष्कराच्या रणगाड्यांच्या सरावादरम्यान रणगाड्यातच स्फोट झाला. यामध्ये 32 वर्षीय मेजर ध्रुव यादव यांचा मृत्यू झाला आहे. मुळचे हरियानाचे रहिवासी असलेले मेजर ध्रुव यादव 75 आर्म रेजिमेंटचे अधिकारी होते. या प्रकरणी चौकशीचे आदेश देण्यात आले आहे. भारतीय लष्कराकडून वारंवार राजस्थानमधील पोखरणमध्ये सराव करण्यात येतो, अशी माहिती लष्करी अधिकाऱ्यांनी सांगितली आहे.