आपल्या भविष्यनिर्वाह निधी (प्रॉव्हिडंट फंड) खात्यात किती रक्कम जमा झाली आहे, हे आता खातेधारकांना मिस्ड कॉलच्या साह्याने सहज जाणून घेता येणार आहे. यासह एम्प्लॉइज प्रॉव्हिडंट फंड आर्गनायझेशनने (ईपीएफओ) अलिकडेच तीन नव्या सुविधा सुरू केल्या आहेत. यात आता अॅपच्या माध्यमातून, मिस्ड कॉल देऊन आणि मेसेज करून त्याद्वारे खात्यातील रक्कम जाणून घेता येणार आहे. त्यासाठी आपला युनिव्हर्सल नंबर मात्र सक्रिय असण्याची गरज आहे.
अॅपद्वारे जाणून घेण्यासाठ...ी
अॅपद्वारे आपल्याला पीएफ खात्यातील रक्कम जाणून घ्यायची असेल, तर प्रथम ईपीएफओच्या वेबसाइटवरून 'Our Services' या सेक्शनमध्ये जाऊन अॅप डाउनलोड करून घ्यावे लागेल. डाउनलोड करताना आपल्याला 'असुरक्षित अॅप' असा मेसेज दिसला, तरी त्याने घाबरून जाण्याची आवश्यकता नाही. कारण, हे अॅप पूर्णपणे सुरक्षित असल्याचा दावा ईपीएफओने केला आहे. सध्या हे अॅप अँड्रॉइड व्हर्जनसाठीच असून, विंडोज, आयओएस आणि ब्लॅकबेरीसाठीही अॅप विकसित करीत असल्याचे ईपीएफओने म्हटले आहे.
मिस्ड कॉलद्वारे जाणून घेण्यासाठी
मोबाइलवरून मिस्ड कॉल देऊन खात्यातील रक्कम जाणून घेण्यासाठी प्रथम आपल्याला मोबाइल नंबर रजिस्टर करावे लागणार आहे. शिवाय, आपल्या युनिव्हर्सल अकाउंट नंबरला केवायसी, बँक खाते क्रमांक आणि पॅन क्रमांकाशी लिंक करावे लागेल. त्यानंतर आपल्या मोबाइलवरून ०११ - २२९०१४०६ या क्रमांकावर मिस्ड कॉल द्या. मिस्ड कॉल दिल्यानंतर तुम्हाला एसएमएस प्राप्त होईल. त्यामध्ये युनिव्हर्सल अकाउंट नंबर, पॅन नंबर, नाव आणि जन्म तारीख आदी माहिती असेल. ती माहिती अधिकृत केल्यानंतर पीएफ खात्यातील रकमेची माहिती मिळेल.
एसएमएसद्वारे जाणून घेण्यासाठी
तुम्हाला सर्वप्रथम ७७३८२९९८९९ या मोबाइल क्रमांकावर एसएमएस करून युनिव्हर्सल अकाउंट नंबर अॅक्टिव्हेट करावे लागेल. त्यानंतर एसएमएसद्वारे खात्यातील रकमेची माहिती मिळवण्यासाठी कॅपिटल अक्षरात 'EPFOHO' त्यानंतर स्पेस आणि 'ACT' लिहून स्वल्पविराम द्या आणि तुमचा २२ अंका युनिव्हर्सल नंबर लिहून वरील क्रमांकावर एसएमएस करा. तुम्हाला पीएफ खात्यातील रकमेची माहिती मिळेल.
'यूएएन' कसे मिळवाल?
युनिव्हर्सल अकाउंट नंबर (यूएएन) मिळविण्यासाठी तुम्ही काम करीत असलेल्या कंपनीत संपर्क साधा किंवा तुमचे ईपीएफ अकाउंट असेल, तर 'ईपीएफओ'च्या वेबसाइटवरून 'यूएएन' नंबर मिळवू शकता.
[ Internet ]
कोणत्याही टिप्पण्या नाहीत:
टिप्पणी पोस्ट करा