लष्करी व शासकीय इतमामात शहीद महादेव तुपारे यांना अखेरचा निरोप

कोल्हापूर, दि. 12 - अमर रहे... अमर रहे, शहीद जवान महादेव तुपारे अमर रहे.. भारत माता की जय, वीर जवान तुझे सलाम, वंदे्मातरम अशा गगनभेदी घोषणांनी व साश्रुपूर्ण नयनांनी हजारोंच्या उपस्थितीत शहीद जवान महोदव तुपारे यांना चंदगड तालुक्यातील महिपाळगड येथील शिवराज हायस्कूलच्या पटांगणावर लष्करी व शासकीय इतमामात अखेरचा निरोप देण्यात आला.

यावेळी शहीद महादेव तुपारे यांच्या पार्थिवास राज्य शासनाच्यावतीने कोल्हापूर जिल्ह्याचे पालकमंत्री चंद्रकांत पाटील यांनी पुष्पचक्र अर्पण करुन आदरांजली वाहिली. याबरोबरच खासदार धनंजय महाडिक, आमदार संध्यादेवी कुपेकर, माजी राज्यमंत्री भरमुअण्णा पाटील, जिल्हाधिकारी डॉ.

अमित सैनी, पोलीस अधीक्षक महादेव तांबडे यांनीही शहीद महोदव तुपारे यांच्या पार्थिवास पुष्पचक्र अर्पण करुन आदरांजली वाहिली. यावेळी शहीद महादेव तुपारे यांचे वडील पांडुरंग तुपारे, आई सुमन तुपारे, पत्नी रुपा तुपारे आणि मुलगा प्रितम आणि औंश यांच्यासह हजारोंचा जनसमुदाय उपस्थित होता.

शहीद महादेव तुपारे यांचे तिरंग्यात लपेटलेले पार्थिव आज सकाळी मूळ गावी महिपाळगड येथे आणण्यात आले. प्रथम त्यांच्या घरी त्यांच्या कुटुंबियांच्या अंत्यदर्शनासाठी पार्थिव ठेवण्यात आले. वडील पांडुरंग तुपारे, आई सुमन तुपारे, पत्नी रुपा तुपारे, मुलगा प्रितम आणि औंश तसेच नातेवाईक आणि जनसमुदायांनी साश्रुनयनांनी अंत्यदर्शन घेतले. यावेळी त्यांच्या कुटुंबियांचा आक्रोश हृदय पिळवटून टाकणारा होता. यानंतर महिपाळगड गावातून शहीद महादेव तुपारे यांच्या पार्थिवाची अंत्ययात्रा काढण्यात आली. रस्त्याच्या दोन्ही बाजूने जमलेल्या लोकांनी साश्रुनयनांनी त्यांच्या पार्थिवावर पुष्पवृष्टी केली. अंत्ययात्रेच्या मार्गावर दोन्ही बाजूला रांगोळ्या काढण्यात आल्या होत्या व रस्त्याचा मध्य मार्ग विविध फुलांच्या पाकळ्यांनी सजवला होता. गावातील प्रत्येक चौकात महादेव तुपारे अमर रहे.. वीर जवान तुझे सलाम अशा घोषणांचे बॅनर्स लावण्यात आले होते. रस्त्याच्या दुतर्फा गावातील महिला, आबालवृध्द, तरूण मुले, मुली शहीद महादेव तुपारे यांच्या पार्थिवावर फुलांच्या पाकळ्यांचा वर्षाव करत होते.

शहीद महादेव तुपारे यांचे पार्थिव महिपाळगड येथील शिवराज विद्यालयाच्या प्रांगणात उपस्थित जनसमुदायाच्या अंत्यदर्शनासाठी ठेवण्यात आले. यावेळी लष्करी व पोलीस दलातील जवानांनी शहीद जवान महादेव तुपारे यांना अखेरची मानवंदना दिली. त्यावेळी उपस्थित जवान, तसेच जनसमुदायाच्या शोकभावना अनावर झाल्या. राष्ट्रध्वज शहीद जवान महादेव तुपारे यांचे वडील पांडुरंग तुपारे यांच्या हाती लष्कराच्यावतीने अर्पण करण्यात आला. यावेळी राज्य शासनाच्यावतीने पालकमंत्री चंद्रकांत पाटील यांच्यासह अनेक मान्यवरांनी, वरिष्ठ प्रशासकीय अधिकाऱ्यांनी तसेच कुटुंबियांनी शहीद जवान महादेव तुपारे यांच्या पार्थिवास पुष्पचक्र अर्पण करुन आदरांजली अर्पण केली.

शहीद जवान महादेव तुपारे यांचे पार्थिव महिपाळगड येथील शिवराज विद्यालयाच्या पटांगणावर खास तयार केलेल्या आणि फुलांनी सजविलेल्या चौथऱ्यावर आणण्यात आले. यावेळी वडील पांडुरंग तुपारे यांनी शहीद जवान महादेव तुपारे यांच्या पार्थिवास पुष्पचक्र अर्पण करुन अखेरचा निरोप दिला. लष्कराच्या 8 जवानांच्या तसेच पोलीस दलाच्या 8 जवानांच्या तुकडीने बंदुकीच्या तीन फैरी हवेत झाडून तसेच अंतिम बिगुल वाजवून शहीद महादेव तुपारे यांना अखेरची मानवंदना दिली. त्यानंतर शहीद जवान महादेव तुपारे यांचे बंधु कुंडलिक तुपारे यांनी शहीद जवान महादेव तुपारे यांच्या पार्थिवास भडाग्नी दिला. यावेळी अमर रहे... अमर रहे शहीद महादेव तुपारे अमर रहे.. भारत माता की जय, वीर जवान तुझे सलाम अशा शोकाकुल घोषणांनी परिसर दुमदुमून गेला.

राज्य शासनाच्या वतीने 8 लाखाची मदत ..पालकमंत्री चंद्रकांत पाटील

शहीद जवान महोदव तुपारे हे कोल्हापूरचेच नव्हे तर महाराष्ट्राचे भूषण आहेत. त्यांच्या कुटुंबियांच्या दु:खात महाराष्ट्र शासन सहभागी असून शासन पूर्णपणे त्यांच्या कुटुंबियांच्या मागे खंबीरपणे उभे राहील, अशी ग्वाही देऊन पालकमंत्री चंद्रकांत पाटील म्हणाले, राज्य शासनाच्यावतीने शहीद जवान महोदव तुपारे यांच्या कुटुंबियांना 8 लाखाची मदत प्राधान्याने दिली जाईल, याबरोबरच केंद्र शासनाकडूनही मदत मिळेल. लेह लडाखमधील दराज सेक्टरमध्ये ते सेवा बजावत असतांना प्रचंड बर्फवृष्टीत सापडून त्यांना वीरमरण आले. त्यांच्या मृतात्म्यास सदगथी लाभो, अशी ईश्वरचरणी प्रार्थनाही पालकमंत्री चंद्रकांत पाटील यांनी केली.

यावेळी प्रांताधिकारी संगीता राजापुरकर-चौगुले, जिल्हा सैनिक कल्याण अधिकारी कर्नल सुभाष सासने, तहसिलदार आप्पासाहेब समिंदर,गट विकास अधिकारी एस.डी. सोनवणे, लेफ्टनंट कर्नर कावेरीअप्पा, सैनिक कल्याण विभागाचे सुभेदार मेजर शेळके, पोलीस निरिक्षक महावीर सकळे, गोकुळचे संचालक रामराजे कुपेकर, सग्राम कुपेकर, राजेश पाटील, गोपाळ पाटील, सरपंच दशरथ भोसले, उपसरपंच अशोक कदम यांच्यासह अनेक मान्यवर पदाधिकारी शासकीय, पोलीस व लष्करी अधिकारी, जवान आणि कोल्हापूर जिल्हयातील हजारोंचा जनसमुदाय उपस्थित होता.

Dailyhunt

मनोहर पर्रीकरांची घरवापसी! गोव्यात भाजपाचे सरकार?

पणजी, दि. 12 - मोदींच्या मंत्रिमंडळातील विश्वासू सहकारी असलेल्या मनोहर पर्रीकर यांची घरवापसी होणार आहे. मनोहर पर्रीकर मुख्यमंत्री होणार असतील तरच पाठिंबा देऊ, अशी अट गोव्यातील स्थानिक पक्ष आणि अपक्षांनी घातल्याने पर्रीकर यांनी संरक्षण मंत्री सोडून गोव्यात परतण्याचा निर्णय घेतला आहे. दरम्यान, पर्रीकरांनी मगोप, गोवा फॉरवर्ड ब्लॉक आणि अपक्षांसोबत राज्यपालांची भेट घेत गोव्यात सरकार स्थापन करण्याचा दावा केला. त्यामुळे गोव्यात काँग्रेसपेक्षा कमी जागा मिळाल्यानंतरही भाजपाचे सरकार स्थापन होणार हे निश्चित झाले आहे.

आज महाराष्ट्रवादी गोमंतक पक्ष आणि गोवा फॉरवर्ड ब्लॉक या दोन स्थानिक पक्षांच्या प्रत्येकी तीन आमदारांनी आणि दोन अपक्ष आमदारांनी मनोहर पर्रिकर यांच्या नेतृत्वाखाली गोव्यात सरकार स्थापन करण्यासाठी भाजपाला पाठिंबा दिला.

त्यानंतर मनोहर पर्रिकर यांनी राज्यपालांची भेट घेत सरकारस्थापनेचा दावा केला.

काल लागलेल्या विधानसभेच्या निकालांमध्ये गोव्याचे मुख्यमंत्री लक्ष्मीकांत पार्सेकर यांच्यासह भाजपच्या अनेक मातब्बर मंत्र्यांना पराभव पत्करावा लागला होता. मात्र कुठल्याच पक्षाला बहुमत न मिळाल्याने गोव्यात सरकार स्थापन करण्यासाठी चुरस निर्माण झाली होती. त्यात मगोपाच्या सुदीन ढवळीकर आणि गोवा फॉरवर्ड ब्लॉकच्या विजय सरदेसाई यांनी भाजपाला पाठिंबा दिल्याने भाजपा सत्तास्थापनेजवळ पोहोचला आहे.

दरम्यान, "आम्ही राज्यपालांची भेट घेतली, त्यांच्याकडून आमंत्रण मिळण्याची अपेक्षा आहे. सत्ता स्थापनेचं आमंत्रण मिळाल्यानंतर आम्हाला पाठिंबा देणा-यांसोबत चर्चा करून शपथ घेण्याची तारीख ठरवू," असे मनोहर पर्रिकर यांनी प्रसारमाध्यमांशी बोलताना सांगितले. तर "मनोहर पर्रिकरांनी संरक्षण मंत्रीपदाचा राजीनामा अजून दिलेला नाही, गोव्याचे मुख्यमंत्रीपद स्वीकारण्याआधी त्यांना राजीनामा द्यावा लागेल, " असे नितीन गडकरी म्हणाले.

लोकमत

Jobs and Career

Indian Government Jobs - www.indgovtjobs.in

---

• Diploma Fresher Jobs 2017 (5000 Govt Vacancies Opening)
• Engineer Jobs 2017 (1000 Govt Vacancies Opening)
• Fresher Jobs 2017 (20,000 Govt Vacancies Opening)
• Ferro Scrap Nigam Limited Recruitment 2017 Assistant General Manager
• Private Bank Jobs Openings 2017
• Federal Bank Recruitment 2017 Apply Online for Specialist Officers
• SAIL Recruitment 2017 Apply Online (117 Vacancies Opening)
• Nursing Jobs 2017 (5862 Govt Vacancies Opening)
• UPPSC Recruitment 2017 Apply Online (4081 Vacancies Opening)
• Employment News Jobs Highlights - 11th to 17th March 2017 Week
• UPSC Advertisement No 05/2017 Assistant Engineer, Junior Analyst (15 Vacancies)

Diploma Fresher Jobs 2017 (5000 Govt Vacancies Opening) Posted: 10 Mar 2017 08:10 AM PST Government Public Sector Unit (PSU) Navaratna Companies looking fresh and experienced Diploma Holders in various engineering fields: Electrical, Mechanical, Electronics, Civil, Computer Science,...

Engineer Jobs 2017 (1000 Govt Vacancies Opening) Posted: 10 Mar 2017 07:56 AM PST Engineering Graduates, who pursing final year or recently completed engineering degree holders get your discipline wise suitable Government jobs - latest recruitment / vacancy details here....

Fresher Jobs 2017 (20,000 Govt Vacancies Opening) Posted: 10 Mar 2017 07:39 AM PST Fresher and Final Year Graduate / Diploma / ITI Students get latest Indian Government Jobs vacancy openings in this post. IndGovtJobs Blog everyday updating New Govt Jobs for Fresh Graduates, Fresh...

Ferro Scrap Nigam Limited Recruitment 2017 Assistant General Manager Posted: 10 Mar 2017 07:27 AM PST Ferro Scrap Nigam Limited (FSNL) (A Government of India Undertaking) is looking for experienced candidates for requirement of Executives in the discipline of "Personnel and Administration"....

Private Bank Jobs Openings 2017 Posted: 10 Mar 2017 07:16 AM PST Private Sector Banks provide career opportunities for young Graduates for offering various Banking & Financial Services Jobs. Most of the Private Banks does not charge any recruitment fee from...

Federal Bank Recruitment 2017 Apply Online for Specialist Officers Posted: 10 Mar 2017 07:14 AM PST Federal Bank, one of India’s leading private sector banks invites applications for the position of Specialist Officer (Trade Finance) in Scale II. Eligible Indian Nationals apply online, the last...

SAIL Recruitment 2017 Apply Online (117 Vacancies Opening) Posted: 10 Mar 2017 07:00 AM PST Steel Authority of India Limited (SAIL) Bhilai Steel Plant invites Online applications for recruitment of Operator cum Technician, Attendant cum Technician, Attendant cum Fire Engine Driver and...

Nursing Jobs 2017 (5862 Govt Vacancies Opening) Posted: 10 Mar 2017 06:58 AM PST Nursing is one of the best profession in the health care sector. Nursing (Staff Nurse) in India is the practice of care for medical patients. Every year, Lot of Nursing vacancies opening in Indian...

UPPSC Recruitment 2017 Apply Online (4081 Vacancies Opening) Posted: 10 Mar 2017 06:45 AM PST Uttar Pradesh Public Service Commission (UPPSC) will hold Combined State / Upper Subordinate Services Examination 2017 for recruitment of various posts for filling up total 251 Vacancies. The last...

Employment News Jobs Highlights - 11th to 17th March 2017 Week Posted: 10 Mar 2017 06:12 AM PST Employment News (English) / Rozgar Samachar (Hindi & Urdu) Paper every week issue Job Highlights available in the post. IndGovtJobs Blog every week updating Employment News weekly Issue Job...

UPSC Advertisement No 05/2017 Assistant Engineer, Junior Analyst (15 Vacancies) Posted: 10 Mar 2017 06:09 AM PST Union Public Service Commission (UPSC) invites Online Recruitment Applications (ORA) for recruitment of Assistant Engineer and Junior Analyst. The last date for submission of online registration is...

ऑनलाईन खरेदी करताना

सणासुदीचे दिवस आले, घरामध्ये कुठलाही कार्यक्रम असला, किंवा लग्नसराई सुरू झाली की खरेदीची धामधूम सुरु होते. आणि केवळ सण-समारंभच कशाला, एरवी देखील काही ना काही कारणांनी आपली खरेदी सुरूच असते. पण आताच्या इंटरनेटच्या युगामध्ये कोणत्याही प्रकारची खरेदी करण्यासाठी घराच्या बाहेर पडायची तितकीशी गरज भासत नाही. फर्निचर पासून ते अगदी भाजीपर्यंत सगळे एका "क्लिक" मध्ये घरबसल्या मागवण्याची सोय आता आहे. कपडे, दाग-दागिने तसेच आधुनिक विद्युत उपकरणे सगळे ऑनलाईन सहज उपलब्ध आहे. इतकेच कशाला, परदेशातून आपल्याला हव्या असलेल्या वस्तू आपण ऑनलाईन खरेदी करून मागवू शकतो. त्यातूनही बऱ्याच वेबसाईट्स वर खरेदी करताना अनेक आकर्षक ऑफर्स किंवा डिस्काउंट मिळत असल्यामुळे खरेदीचा आनंद दुणावतो.

पण ऑनलाईन खरेदी करताना काही गोष्टी आपण विचारात घेऊन मग खरेदी केल्यास आपण "ऑनलाईन ग्राहक" बनतानाच "स्मार्ट कस्टमर" पण होऊ शकतो.

सर्वप्रथम, ऑनलाईन खरेदी करताना ज्या वेबसाइट्सच्या मार्फत आपण खरेदी करणार असू ती वेबसाईट, वस्तूंची उपलब्धता आणि दर्जा या बाबतीत कशी आहे ते पाहून घ्यावे. या बाबतीत मित्र मंडळींचा सल्ला अवश्य विचारात घ्यावा. वेबसाइट्स ने जाहीर केलेल्या आकर्षक ऑफर्स किंवा सवलतींच्या मोहात न पडता, आपल्याला हवी असलेली वस्तू उत्तम brand ची आणि चांगल्या दर्जाची आहे की नाही हे पहावे.

आपण ज्या वस्तू खरेदी करणार असू, त्याबद्दलची पूर्ण माहिती इंटरनेट वर उपलब्ध असते. त्याशिवाय निरनिरळ्या वेबसाइट्स वर त्याच वस्तूच्या किमतीतही तफावत असते. वस्तू खरेदी करण्यापूर्वी वेगवेगळ्या वेब साइट्स वर जाऊन किमतीतला फरक तर पहावाच, पण त्या वस्तूबद्दल ग्राहकांनी दिलेले "reviews" सुद्धा अवश्य विचारात घ्यावेत. " reviews" च्या द्वारे वस्तूची उपयुक्तता आणि दर्जा या बद्दल माहिती मिळते. त्यामुळे वस्तूची खरेदी करण्यापूर्वी वेगवेगळ्या वेबसाइट्स वर त्या वस्तूंचे reviews वाचून आणि किंमतीतला फरक ध्यानात घेऊन कुठल्या वेबसाईट वरून खरेदी करायची आहे याचा निर्णय घ्यावा.

आपल्याला "कॅश ऑन डीलीवरी" हा पर्याय सोपा आणि सुरक्षित वाटतो, कारण वस्तू एकदा हातामध्ये आल्यानंतरच पैसे द्यायचे हा विचार त्यामागे असतो, आणि तसे वाटणे योग्य ही आहे. तसेच, डेबिट कार्ड किंवा क्रेडीट कार्ड चा वापर करून पैसे भरल्यास आपल्याला, आपण करत असलेल्या खरेदी वर काही "points" मिळतात, जे पुढील खरेदी करताना इतर वस्तू विकत घेण्यासाठी वापरता येतात ( redeem ). पुष्कळ वेबसाइट्स वर कार्ड मार्फत खरेदी केल्यास " cash back" ऑफर सुद्धा असतात. त्यामुळे हे सगळे पर्याय विचारात घेऊन खरेदी रोख पैसे देऊन करायची किंवा कार्ड मार्फत करायची याचा निर्णय घ्यावा.

ऑनलाईन खरेदी करताना "shipping" चार्जेस किंवा ती वस्तू आपल्याला घरपोच मिळण्याकरिता किती चार्जेस आहेत हे पाहावे. त्याशिवाय इतरही कुठले चार्जेस आहेत ते पाहावे. बहुतेक वेबसाइट्स ठराविक रकमेपेक्षा जास्त खरेदी केल्यास shipping चार्जेस लावले जात नाहीत. त्याचबरोबर अनेकदा आपण खरेदी करत असलेल्या वस्तू सोबत promotional कूपन्स किंवा discount codes असतात. या कूपन्स चा किंवा codes चा वापर केल्याने वस्तूच्या खरेदीवर माफक सूट मिळते. या कूपन्स चा किंवा discount codes चा वापर कसा करावा याबद्दलच्या सूचना वेबसाईटवर उपलब्ध असतात. आपण नेहमी खरेदी करत असलेल्या वेबसाइट्स वर आपण मेंबर म्हणून नोंदणी केली असल्यास इ-मेल द्वारे ही आपल्याला discounts किंवा promotional ऑफर्स बद्दल माहिती मिळत राहते.

ऑनलाईन खरेदी करताना या काही गोष्टी लक्षात ठेऊन खरेदी केल्यास घरबसल्या खरेदी करण्याचा आनंद आपण लुटू शकतो.

Dailyhunt

लोकसभेत भगवतगीताबाबत विधेयक सादर

नवी दिल्ली - लोकसभेत शुक्रवारी 103 खासगी विधेयक सादर करण्यात आले. यापैकी एका प्रायव्हेट मेंबर बिलद्वारे देशातील शैक्षणिक संस्थांमध्ये नैतिक शिक्षांतर्गत भगवतगीता शिकवण्यात यावी, या विधेयकाचा समावेश आहे. हे विधेयक दक्षिण दिल्लीतील भाजपचे खासदार रमेश बिधूडी यांनी सादर केले.

याशिवाय भाजपचे खासदार महेश गिरी यांनी मेंटनेंस ऑफ यलीनलिनेस विधेयक सादर केले. या विधेयकात गिरी यांनी उघड्यावर शौचालयास जाणे, थुंकणे यावर बंदी घालण्याची मागणी केली आहे. यामुळे आरोग्य आणि स्वच्छता ठेवण्यास मदत होईल, असे नमुद केले आहे.

तसेच राष्ट्रवादी काँग्रेसच्या खासदार सुप्रिया सुळे यांनी महिलांवर होणारे अत्याचार रोखण्यासाठी स्पेशल कोर्ट्स स्थापन करण्याचा प्रस्ताव एका विधेयकाद्वारे केला आहे.

या विधेयकात खास करून महिलांवर होणार्‍या लैंगिक अत्याचारबाबत एक विशेष न्यायालय असावे, असा प्रस्ताव दिला आहे.
ज्यामुळे अशा प्रकरणांचा वेळीच निकाल लागून महिलांना न्याय मिळेल. भाजपचे खासदार निशिकांत दुबे यांनी देशातील युवकांचा समग्र विकास करण्यासाठी धोरण निश्‍चित करण्याचे विधेयक सादर केले.

बिहारमधील काँग्रेसच्या खासदार रंजीता रंजन यांनी लग्नसोहळ्यात मोठ्या प्रमाणात होणार्‍या खर्चावर निर्बंध लावण्यात यावे, असे विधेयक सादर केले. या विधेयकात त्यांनी हुंडा घेण्यावर बंदी आणि लग्नात एक समान खर्च करण्याची व्यवस्था तयार करण्याचा प्रस्ताव दिला आहे.

Dailyhunt

पुढील वर्षापासून नीट परिक्षा उर्दुतही

नवी दिल्ली - पुढील वर्षापासून एमबीबीएस आणि बीडीएसच्या प्रवेशासाठी घेण्यात येणारी नॅशनल इलिजिबिलीटी इंटरेंस टेस्ट (नीट) उर्दु माध्यमातही सुरू करण्यास मंजुरी मिळण्याची शक्यता आहे. याबाबत केंद्र सरकारने सर्वोच्च न्यायालयात स्पष्ट केले आहे. मात्र, यावर्षी ही अंमलबजावणी करता येणार नाही, असे सरकारने न्यायालयात सांगितले आहे.

न्यायमूर्ती कूरियन जोसफ यांच्या अध्यक्षतेखालील खंडपीठासमोर केंद्र सरकारकडून बाजू मांडताना अ‍ॅड. रंजीत कुमार यांनी शुक्रवारी सांगितले की, नीट-2017ची प्रक्रिया सुरू झाली असून यावर्षी उर्दू माध्यमातून परिक्षा घेता येणे संभव नाही.

ते म्हणाले, मागील वर्षी नोव्हेंबर महिन्यात झालेल्या बैठकीत कोणत्याही राज्याकडून हा मुद्दा उपस्थित करण्यात आला नाही.

मात्र, पुढील वर्षापासून उर्दू माध्यमातून परिक्षा घेण्यास मंजुरी देता येऊ शकते, असे त्यांनी सांगितले.

याबाबत स्टूडेंट्स इस्लामिक ऑरग्नायझेशनने (एसआयओ) याचिका दाखल केली होती. याचिकेत म्हटले होते की, महाराष्ट्र आणि तेलंगणाने नीट परिक्षा उर्दू माध्यमात घेण्यात येण्यास परवानगी असेल असे एमसीआयला सांगितले होते. दरम्यान, सध्या हिंदी, इंग्रजी, गुजराती, मराठी, उडीया, बंगाली, आसामी, तेलगू, तमिळ आणि कन्नड भाषेत नीट परिक्षा देता येते.

Dailyhunt

चीनकडून तीन लाख सैनिकांची कपात

बिजिंग - चीन राखीव सैनिक दलाचे पुनर्गठन करून त्यांना युद्धासाठी सज्ज ठेवण्याच्या उद्देशाने थलसेनातील 23 लाख सैनिकांमध्ये कपात करण्याचा निर्णय घेतला आहे. ही कपात करून अन्य दलातील सैनिकांची संख्या वाढविण्यात येणार आहे. चीनच्या या योजनेंतर्गत थलसेनातील तीन लाख सैनिकांची कपात करण्यात येणार आहे.

चीनच्या केंद्रीय सैन्य आयोगाच्या नॅशनल डिफेंस मोबिलायझेशन विभागाचे प्रमुख शेंग बिन यांनी सांगितले की, जगातील सर्वात मोठे सैन्य दल हे चिनचे मानले जाते. या सैन्य दलातील सैनिकांची संख्या कमी करून त्यांना अन्य सुविधा पुरविण्यात येणार आहे.

सुत्रांकडून मिळालेल्या माहितीनुसार, थलसेनातील सैनिकांची संख्या कमी करण्यात येणार असून त्या ऐवजी नौसेना, वायुसेना आणि रॉकेट फोर्समधील सैनिकांची संख्या वाढविण्यात येणार आहे.

तसेच चीनच्या लष्कराचे आधुनिकीकरण करण्यात येणार आहे.

दरम्यान, चीनचे राष्ट्रपती शी चिनफिंग यांनी 2015मध्ये तीन लाख सैनिकांची कपात करण्याची घोषणा केली होती. मात्र, अद्याप किती सैनिकांची कपात करण्यात येणार आहे, याबाबत निश्‍चित आकडा समजू शकलेला नाही.

Dailyhunt

दर १२ वर्षांनी पोलिसांना बढती मिळालीच पाहिजे !

मुंबई - मुंबई उच्च न्यायालयाने पोलिसांच्या सक्षमीकरणासाठी पोलिसांच्या कामाचे तास कमी करा आणि त्यांच्यावरील ताण कमी करा, असे स्पष्ट केले असून पोलिसांना दर १२ वर्षांनी पदोन्नती द्यायला हवी, असेही उच्च न्यायालयाने सांगितले. अंडरवर्ल्डच्या गुंडांकडे एके-४७ सारखी आधुनिक शस्त्र असल्यामुळे राज्यातील पोलिसांना आधुनिक गुन्हेगारीचा बिमोड करण्यासाठी रिव्हॉल्वरऐवजी ऑटोमॅटिक हत्यारे द्या, असा सल्ला मुंबई उच्च न्यायालयाने दिला आहे.

मुंबई उच्च न्यायालयाच्या न्या. विद्यासागर कानडे आणि न्या. पी. आर. बोरा यांच्या खंडपीठाने पोलिसांसंदर्भातील एका जनहित याचिकेवरील सुनावणीदरम्यान चिंता व्यक्त करत पोलिसांना रिव्हॉल्व्हर ऐवजी ऑटोमॅटीक हत्यार द्या असा सल्ला देखील उच्च न्यायालयाने दिला.

अंडरवर्ल्डच्या माफियांकडे एके-४७ सारखी शस्त्र आहेत. अशा परिस्थितीत पोलिसांना जुन्या पद्धतीच्या रिव्हॉल्वरऐवजी अत्याधुनिक तंत्रज्ञानाची ऑटोमॅटिक पिस्तुले द्यावी.

पोलिसांना रिव्हॉल्वरपासून मुक्ती देण्यात यावी असे उच्च न्यायालयाने सुचविले आहे. या सुनावणीदरम्यान उच्च न्यायालयाने पोलिस दलात काम करत असलेल्या कर्मचाऱयांच्या बढतीसाठी प्रभावी धोरण बनवण्याचा सल्लाही दिला आहे. कॉन्स्टेबल पदावरचा पोलिस हेड कॉन्स्टेबल होऊन निवृत्त होतो. त्यामुळे दर १२ वर्षांनी पोलिसांना पदोन्नती द्यायला हवी, असे उच्च न्यायालयाने सांगितले.

या सोबतच चांगले काम करण्यासाठी पोलिसांना उत्तम वातावरण देण आवश्यक असल्याचे मत न्यायालयाने नोंदवले. तसेच पोलीस दलातील कर्मचारी आठवडय़ाचे ७ दिवस २४ तास काम करतात. त्यामुळे पोलिसांच्या कामाचे तास कमी आणि त्यांच्यावरील ताण कमी करा, असेही न्यायालयाने सांगितले आहे. त्याचप्रमाणे खंडपीठाने सध्या या प्रकरणाची सुनावणी चार आठवडय़ांसाठी स्थगित केली आहे. पुढील सुनावणीत गफहविभागाला प्रतिज्ञापत्र दाखल करण्याचे निर्देश देखील देण्यात आले आहेत.

Dailyhunt

पुढील वर्षापर्यंत इराणमधील बंदर विकसित करणार भारत

इराणच्या आग्नेयेला असलेल्या चाबाहर बंदराच्या विकासाचा पहिला टप्पा 2018 साली पूर्ण करू, असा विश्वास केंद्रीय जहाज, रस्ते वाहतूक आणि महामार्ग मंत्री नितीन गडकरी यांनी व्यक्त केला आहे.

"आम्ही पहिल्या टप्प्याचे काम 2018 साली पूर्ण करू.यासाठीचा निधी लवकरच देऊ. या कामाच्या निविदा काढलेल्या आहेत," गडकरी म्हणाले.

चाबाहर बंदरातील टर्मिनल ट्रॅक्टर ट्रेलर्स, फॉर्कलिफ्ट्स, रीच स्टॅकर्स, एम्प्टी कन्टेनर हँडलर्स आणि यार्ड क्रेन्सच्या पुरवठा व क्रियान्वयनासाठी कांडला बंदराने निविदा जारी केल्या आहेत, असे गडकरी यांनी पुढे सांगितले.

इराणसोबत व्यापार व गुंतवणूक वाढविण्याच्या दृष्टीने चाबाहर बंदराच्या विकासाला मंत्रिमंडळाने गेल्या वर्षी मंजुरी दिली होती.

चाबाहर बंदर विकास प्रकल्पाच्या अंमलबजावणीसाठी जहाज मंत्रालयाने इराणमध्ये स्वतंत्र कंपनी स्थापित करावी, यासाठीही मंत्रिमंडळाने मंजुरी दिली होती.

चाबाहर बंदर हे पर्शियन खाडीमध्ये इराणच्या दक्षिण किनारपट्टीवर सिस्तान-बलुचिस्तान प्रांतात आहे. पाकिस्तानला टाळून भारताच्या पश्चिम किनाऱ्यावरून या बंदराला सुलभरीत्या जाता येते.

Dailyhunt

12 लाख कोटी रुपयांच्या नव्या नोटा चलनात -अरुण जेटली

नवी दिल्ली -सध्या 12 लाख कोटी रुपयांच्या नव्या नोटा चलनात आल्या असल्याची माहिती केंद्रीय अर्थ अर्थमंत्री अरुण जेटली यांनी आज लोकसभेत दिली आहे.

नवीन नोटा व्यवहारात आणण्याच्या योजनेत रुपये 500 आणि 2,000 च्या नोटा पद्धतशीरपणे चलनात आणल्या जात आहेत. 24 फेब्रुवारी 2017 रोजी भारतीय रिझर्व बॅंकेने जाहीर केलेल्या आकडेवारीनुसार 11,64,100 कोटी रुपये किमतीच्या नवीन नोटा चलनात आलेल्या होत्या.

त्यानंतर आता पंधरवडा उलटून गेल्याने हा आकडा आता 12 लाख कोटीपेक्षा अधिक झाला असेल असे जेटली यांनी सांगितले.

मात्र जमा झालेल्या जुन्या नोटांचा अचूक तपशील या वेळी देता येणार नाही, असे जेटली यांनी स्पष्ट केले आहे. जमा झालेली प्रत्येक जुनी नोट ही खरी आहे, की बनावट हे तपासून पाहावे लागते, अस्सल व बनावट नोटा वेगळ्या कराव्या लागतात. हे काम फार वेळ खाणारे आहे आणि ही प्रक्रिया पूर्ण झाल्याशिवाय जमा झालेल्या जुन्या नोटांचा निश्‍चित आकडा जाहीर करता येणार नाही. भारतीय रिझर्व बॅंकेचे हे काम पूर्ण होताच सदनात त्याची आकडेवारी सादर करण्यात येईल, असे जेटली यांनी लोकसभेत सांगितले.
रु. 500 च्या एका नोटॅचा निर्मितीखर्च 2.87 ते 3.09 रु; 1,000 आणि 2,000 रु. च्या एका नोटेचा निर्मिती खर्च 3.34 तेऱ् 3.77 रु. असल्याची माहिती अरुण जेटली यांनी दिली. मात्र हा खर्च दरवर्षी बदलतो, असे त्यांनी स्पष्ट केले.

ग्राहकांना दर्जात्मक सुविधा द्याव्यात : वसुंधरा बारवे

सातारा, दि. 11 (प्रतिनिधी) :  व्यावसायिकांनी ग्राहकांना दर्जात्मक सुविधा पुरविल्या पाहिजेत. तो त्यांचा अधिकार आहे, असे आवाहन जिल्हा पुरवठा अधिकारी वसुंधरा बारवे यांनी केले.
जिल्हा ग्राहक संरक्षण परिषदेची बैठक आज घेण्यात आली. त्यावेळी त्या बोलत होत्या. बैठकीस पोलास निराक्षक ए. डी. फडतरे, सदस्य केदार नाईक, रंगराव जाधव, सुनीता राजेघाडगे, डॉ. उर्मिला येळगावकर, प्रल्हाद कदम, दिलीप पाटील उपस्थित होते.
बारवे म्हणाल्या, जिल्ह्यातील पेट्रोलपंपांची तपासणी केली जाईल. ग्राहकांना दर्जात्मक, गुणात्मक सुविधा देण्याबाबत पेट्रोलपंप धारक असोसिएशनच्या माध्यमातून शिबीर घेण्यात येईल. या माध्यमातून भेसळयुक्त पेट्रोल कसे तपासता येईल याबाबत प्रशिक्षण दिले जाईल.

ग्राहक हा राजा आहे, त्याला त्याचे अधिकार मिळाले पाहिजेत, याची नोंद सर्वांनी घ्यावी, असेही त्यांनी सांगितले.
बैठकीत ग्राहकांच्या विविध तक्रारींबाबत चर्चा करण्यात आली. प्रामुख्याने विज वितरण, महाराष्ट्र जीवन प्राधिकरण, एसटी तसेच सातारा नगर परिषद, विसावा नाका येथे पोलीस चौकी उभारणे, वाहतूक आराखडा आदींचा समावेश होता. बैठकीला संबंधित अधिकारी अनुपस्थित राहतात.
यावरही चर्चा करण्यात आली. जिल्हा ग्राहक संरक्षण परिषदेच्यावतीने जागतिक महिला दिनाचे औचित्य साधून जिल्हा पुरवठा अधिकारी कार्यालयातील महिला अधिकारी, कर्मचारी तसेच परिषदेच्या महिला सदस्यांचा गुलाब पुष्प देऊन सत्कार करण्यात आला.

Dailyhunt

ब्रम्होसची यशस्वी चाचणी, क्षेपणास्त्राच्या क्षमतेत वाढ

भारताचं ब्रम्हास्त्र असलेल्या ब्रम्होस सुपसोनिक क्रुझ क्षेपणास्त्राची ओडिशाच्या किनाऱ्यावर यशस्वी चाचणी घेण्यात आली आहे. ब्रम्होसच्या मारक क्षमतेत वाढ केल्यानंतर ही पहिलीच चाचणी यशस्वी झाल्यानं आता पाकड्यांचा आणि चीनचा तिळपापड झाला आहे. ब्रम्होसमध्ये बदल केल्यानंतर याची मारक क्षमता २९० कि.मी. वरुन वाढून ४५० कि.मी. झाली आहे. चीन आणि पाकड्यांची या चाचणीवर बारकाईनं नजर होती, कारण अनेक देश हे रडारलाही चकवा देणाऱ्या क्षेपणास्त्राच्या खरेदीसाठी उत्सुक असल्याचं दिसून आलं आहे.

ब्रम्होसमुळे एमटीसीआरमध्ये हिंदुस्थानचा समावेश झाला आहे. या पार्श्वभूमीवर ब्रम्होसची मारक क्षमता वाढवण्याचा निर्णय घेण्यात आला.

ब्रम्होसची मारक क्षमता वाढवण्यासाठी सॉफ्टवेअरमध्ये अनेक बदल करण्यात आले आहेत. येत्या २ ते ३ वर्षात ब्रम्होसची मारक क्षमता ८०० कि.मी.पर्यत वाढवण्यात येणार असल्याचे डीआरडीओचे प्रमुख एस. क्रिस्टोफर यांनी सांगितले.

ब्रम्होस क्षेपणास्त्र हिंदुस्थान आणि रशियानं एकत्रीतपणे तयार केलं आहे. हे क्षेपणास्त्र जमीन, हवा, समुद्र आणि पाण्याखालूनही प्रक्षेपित करता येतं. ब्रम्होसचं खास वैशिष्ट्य म्हणजे रडारलाही चकवा देत अतिशय वेगानं आपल्या लक्ष्याचा वेध घेणे आणि त्याचा विध्वंस करणे हा आहे.

सामना

पाकिस्तानात हिंदू विवाह कायदा मंजूर

इस्लामाबाद पाकिस्तानातल्या अल्पसंख्य हिंदुंसाठी महत्त्वाचं मानलं जाणारं हिंदू विवाह कायदा विधेयक पाकिस्तानात संमत झालं. या विधेयकामुळे पाकिस्तानस्थित हिंदुंच्या विवाहाचं नियमन करणारा विशेष व्यक्तिगत कायदा अस्तित्वात येणार आहे. पाकिस्तानच्या राष्ट्रीय सभागृहांनी हे विधेयक एकमताने मंजूर केलं.

सूत्रांनुसार पाकिस्तान असेम्ब्लीने सप्टेंबरमध्ये मान्य केलेल्या मसुद्यात सिनेटने दुरुस्ती समाविष्ट केली. विधेयकाचा अंतिम मसुदा संसदेच्या दोन्ही सभागृहांनी संमत केला. हे नवीन विधेयक ‘शादी पराथ’ मुस्लिमांत निकाहनामा असतो त्याप्रमाणेच असणार आहे. ‘शादी पराथ’वर लग्न लावणाऱ्या पुरोहिताने स्वाक्षरी केलेली असावी आणि संबंधित सरकारी विभागात त्याची नोंदणी केलेली असावी, असा नियम करण्यात आला आहे.

या दस्तऐवजावर वर आणि वधुची वैयक्तिक माहिती लिहीण्यात येईल. या तपशीलात केंद्रीय परिषद, तहसील, गाव आणि जिल्ह्याचे नाव तसेच वर आणि वधुचे नाव, त्यांच्या वडिलांची नावं, त्यांच्या जन्मतारखा आणि जन्माची ठिकाणं असा तपशील असेल. वधु आणि वराला दस्तऐवजावर एक साक्षीदार आणि रजिस्ट्रारच्या उपस्थितीत स्वाक्षरी करावी लागेल. या कायद्यामुळे हिंदू महिलांना विवाहाचा कागदोपत्री पुरावा उपलब्ध हाईल.

 

सामना

शहीद दीपक घाडगे अनंतात विलीन

अंगापूर (सातारा), दि. 11 : सातारा तालुक्यातील फत्त्यापूर येथे शनिवारी शहीद जवान दीपक घाडगे यांच्या पार्थिवावर शासकीय इतमामात अंत्यसंस्कार करण्यात आले. यावेळी आठ जवानांच्या तुकडीने हवेत बंदुकींच्या तीन फैरी झाडल्या तसेच अंतिम बिगुल वाजवून मानवंदना दिली. यावेळी शेकडो ग्रामस्थ उपस्थित होते.

पालकमंत्री विजय शिवतारे, मंत्री महादेव जानकर, सहपालकमंत्री सदाभाऊ खोत, प्रभारी जिल्हाधिकारी प्रमोद यादव, पोलिस अधीक्षक संदीप पाटील, मुख्य कार्यकारी अधिकारी डॉ. राजेश देशमुख, आमदार शिवेंद्रसिंहराजे भोसले, शशिकांत शिंदे यांनी फत्त्यापूर येथे पुष्पचक्र वाहून श्रद्धांजली वाहिली.

शनिवारी दुपारी शहीद जवान दीपक घाडगे यांचे पार्थिव फत्त्यापूर येथील निवासस्थानी आणण्यात आले.

या ठिकाणी कुटुंबीय, ग्रामस्थ तसेच आमदार शिवेंद्रसिंहराजे भोसले यांनी पार्थिवाचे अंत्यदर्शन घेतले. त्यानंतर लष्कराच्या वाहनातून अंत्ययात्रेला सुरुवात करण्यात आली. मार्गावर रांगोळ्यांचा सडा घालण्यात आला होता. चौकाचौकात आदरांजलीचे फ्लेक्स लावले होते.

अमर रहे, अमर रहे, दीपक घाडगे अमर रहे, भारत माता की जय, अशा घोषणा देत ही अंत्ययात्रा फत्त्यापूर येथील अंत्यसंस्काराच्या ठिकाणी पोहोचली. या ठिकाणी निवासी उपजिल्हाधिकारी भारत वाघमारे, प्रांताधिकारी स्वाती देशमुख-पाटील, तहसीलदार स्मिता पवार, गटविकास अधिकारी सचिन घाडगे, जिल्हा परिषद सदस्य मनोज घोरपडे, पंचायत समिती सदस्य संजय घोरपडे, सरपंच अरविंद घाडगे, विक्रम पावसकर, आई शोभा, वडील जगन्नाथ, पत्नी निशा, बहीण माया यांनी पुष्पचक्र वाहून अंत्यदर्शन घेतले. त्यानंतर सेना दलाच्या वतीने जिल्हा सैनिक कल्याण अधिकारी नि. कर्नल राजेंद्र जाधव, सैनिक सहकारी बँकेचे अध्यक्ष कॅ. उदाजीराव निकम, कर्नल अरुण जाधव, १५ मराठा लाईफ इन्फंट्री बटालियनच्या वतीने कमांडिंग आॅफिसर कर्नल एम. डी. मुत्याप्पा, कर्नल आर. एस. लेहल यांनी पुष्पचक्र वाहून श्रद्धांजली वाहिली.

शहीद दीपक घाडगे यांच्या पार्थिवाला वडील जगन्नाथ घाडगे यांनी अग्नी दिला. यावेळी विविध अधिकारी आणि हजारोंच्या संख्येने परिसरातील ग्रामस्थ उपस्थित होते

आॅनलाइन लोकमत

छत्तीसगड येथील नक्षली हल्ल्यात वर्धा येथील जवान शहीद

वर्धा, दि. 11 - छत्तीसगडच्या सुकमा जिल्ह्यात नक्षलवादी हल्ल्यात 11 सीआरपीएफ जवान शहीद झालेत. भेज्जी परिसरात आज सकाळी सीआरपीएफ आणि नक्षलवाद्यांमध्ये चकमक झाली, यामध्ये वर्धा जिल्ह्यातील सोनोरा (ढोक),( ह मु नाचणगाव ) येथील प्रेमदास मेंढे हा जवान शहीद झाला. त्याचबरोबर शहीद झालेले सर्व जवान सीआरपीएफच्या 219 व्या बटालियनचे होते. ही घटना आज सकाळी 9 च्या सुमारास घडली.

अत्यंत गरीब परिस्थितीतुन प्रेमदास मेंढे पुढे आलेत. त्यांचे वडील नाचणगाव येथे आजही हातमजुरी करतात. प्रेमदास मेंढे हे तीन भावांपैकी सर्वात धाकटे. अतिशय मनमिळावू आणि हसतमुख स्वभावाचे प्रेमदास हे सुमारे 15 वर्षापासून केंद्रिय राखीव पोलीस बलात कार्यरत होते.यापूर्वी त्यांनी गडचिरोली, श्रीनगर, पुणे,तळेगाव येथे काम केले.

दोन वर्षांपूर्वीच त्यांची छत्तीसगढ येथे बदली झाली होती. 19 फेब्रुवारी रोजी ते पुन्हा देशसेवेच्या कार्यात रुजू झाले होते. तसेच, मागच्या महिन्यातच ते कुटुंबियांच्या भेटीसाठी घरी आले होते. दरम्यान, आज झालेल्या नक्षलवादी हल्ल्यात देशासाठी ते शहीद झाले. त्यांच्या मागे आई - वडील पत्नी, मुलगा, मुलगी, दोन भाऊ तसेच मोठा आप्त परिवार आहे.

उद्या आणणार पार्थिव

प्रेमदास मेंढे या शहिद जवानाचे पार्थिव उद्या सकाळी रायपूर येथून वर्धा येथे विमानाने आणण्यात येणार आहे. वर्धा येथून गाडीने ते नाचाणगाव येथे त्यांच्या राहत्या घरी आणण्यात येईल. नाचाणगाव येथेच त्यांच्यावर अंत्यसंस्कार करण्यात येतील.

ऑनलाइन लोकमत

लष्करी तळांची सुरक्षा अद्यापही रामभरोसेच

नवी दिल्ली : भारतातील लष्करी तळांवर झालेल्या दहशतवादी हल्ल्यानंतरही संरक्षण मंत्रालयाने तेथील सुरक्षेच्या दृष्टीने काहीच पावले उचलली नसल्याचे निदर्शनास आले आहे. भाजपाचे ज्येष्ठ नेते निवृत्त मेजर जनरल भुवन चंद्र खंडुरी यांच्या अध्यक्षतेखाली नेमण्यात आलेल्या संसदेच्या उच्चस्तरीय समितीनेच हा निष्कर्ष काढला आहे.

सुरक्षेशी संबंधित मुद्द्यांवरुन समितीने सादर केलेल्या अहवालात संरक्षण मंत्रालयावर ताशेरे ओढण्यात आले आहेत. पठाणकोट दहशतवादी हल्ल्यानंतरही संरक्षण मंत्रालयाकडून महत्त्वाची व आवश्यक अशी कोणतीही पावले उचलण्यात आली नाहीत, असे समितीने म्हटले आहे.

पंजाबमधील पठाणकोट तळावर झालेल्या दहशतवादी हल्ल्यामध्ये भारताचे सात जवान शहीद झाले होते.

संसदीय समितीने म्हटले आहे की सुरक्षेत सुधारणा करण्यासाठी लेफ्टनंट जनरल फिलीप काम्पोज यांनी मे २0१६ मध्येच आपला अहवाल सोपवला होता. मात्र त्यानंरही संरक्षण मंत्रालयाने कोणतीही हालचाल केल्याचे दिसलेले नाही. संसदेत गुरुवारी सादर केलेल्या अहवालात म्हटले की, पठाणकोट आणि उरी हल्ल्यावेळी परिस्थिती जितकी गंभीर होती, तशीच परिस्थिती आजही कायम आहे. लेफ्टनंट जनरल काम्पोज यांचा अहवाल सादर होऊन ६ ते ७ महिने झाले तरी अद्याप ठोस निर्णय किंवा पाऊल उचलण्यात आल्याचे दिसत नाही. (लोकमत न्यूज नेटवर्क)

योजनांची अंमलबजावणी नाहीच

जम्मू काश्मीरमधील सीमारेषेवरील चौक्यांमध्ये घुसखोरी रोखण्यासाठी अ‍ॅलर्ट देणारी यंत्रे बसवण्यात येणार होती. मात्र सरकारची मंजुरी न मिळाल्याने ते काम अद्यापही झालेले नाही.

जानेवारी २0१६ मध्ये झालेल्या पठाणकोटवरील दहशतवादी हल्ल्यानंतर संवेदनशील राज्यांमध्ये सुरक्षा विभागांची सुरक्षा वाढवण्याची योजना आखण्यात आली होती. त्यासाठी ४00 कोटी रुपये खर्च अपेक्षित होता.

मात्र ही योजनाही अंमलात आणण्यात आलेली नाही. पुन्हा आॅक्टोबर २0१६ मध्ये दहशतवाद्यांनी घुसखोरी करत उरी येथील लष्करी तळावर हल्ला चढवला होता. लष्कराची सुरक्षा भेदून करण्यात आलेल्या या दहशतवादीया हल्ल्यामध्ये भारताचे १९ जवान शहीद झाले होते.

पिस्तूल नको, पोलिसांना अत्याधुनिक रिव्हॉल्व्हर द्या!

मुंबई गुन्हेगारांचा छडा लावणाऱ्या पोलिसांना  पिस्तूल नको रिव्हॉल्व्हर द्या, त्यांच्या कामाचा ताण कमी  करा असा सल्ला उच्च न्यायालयाने आज राज्य सरकारला दिला. गुन्हेगारांकडे असलेल्या आधुनिक शस्त्रांचा विचार करता पोलिसांकडील पिस्तूल आता जुनाट आणि इतिहासजमा झाले आहे. पोलीस खात्यात अत्याधुनिक तंत्रज्ञानाची गरज आहे असे मत न्यायमूर्ती व्ही. एम. कानडे  अणि न्यायमूर्ती पी. आर. बोरा यांच्या खंडपीठाने व्यक्त केले.

पुण्यातील बांधकाम व्यावसायिक निखिल राणे यांची आठ वर्षांपूर्वी  नोव्हेंबर २००९ मध्ये भरदिवसा झालेल्या हत्येचा तपास करण्यास पुणे पोलीस तसेच सीआयडी पोलिसांना अपयश आल्याने  हा तपास सीबीआयकडे वर्ग करावा अशी मागणी करणारी याचिका राणे यांची पत्नी अश्विनी राणे यांनी उच्च न्यायालयात केली आहे.

याचिकेवर आज न्यायमूर्ती व्ही. एम. कानडे आणि न्यायमूर्ती पी. आर.
बोरा यांच्या खंडपीठासमोर सुनावणी झाली. यावेळी खंडपीठाने पोलिसांच्या कामाच्या तासावर बोट ठेवले. १२-१२ तास काम करणाऱया या पोलिसांच्या कामाचे आठ तास केले पाहिजेत तसेच किमान १२वर्षांच्या सेवेनंतर त्याना बढती दिली गेली पाहिजे असे मतही खंडपीठाने व्यक्त केले.

सामना

पिस्तूल नको, पोलिसांना अत्याधुनिक रिव्हॉल्व्हर द्या!

मुंबई गुन्हेगारांचा छडा लावणाऱ्या पोलिसांना  पिस्तूल नको रिव्हॉल्व्हर द्या, त्यांच्या कामाचा ताण कमी  करा असा सल्ला उच्च न्यायालयाने आज राज्य सरकारला दिला. गुन्हेगारांकडे असलेल्या आधुनिक शस्त्रांचा विचार करता पोलिसांकडील पिस्तूल आता जुनाट आणि इतिहासजमा झाले आहे. पोलीस खात्यात अत्याधुनिक तंत्रज्ञानाची गरज आहे असे मत न्यायमूर्ती व्ही. एम. कानडे  अणि न्यायमूर्ती पी. आर. बोरा यांच्या खंडपीठाने व्यक्त केले.

पुण्यातील बांधकाम व्यावसायिक निखिल राणे यांची आठ वर्षांपूर्वी  नोव्हेंबर २००९ मध्ये भरदिवसा झालेल्या हत्येचा तपास करण्यास पुणे पोलीस तसेच सीआयडी पोलिसांना अपयश आल्याने  हा तपास सीबीआयकडे वर्ग करावा अशी मागणी करणारी याचिका राणे यांची पत्नी अश्विनी राणे यांनी उच्च न्यायालयात केली आहे.

याचिकेवर आज न्यायमूर्ती व्ही. एम. कानडे आणि न्यायमूर्ती पी. आर.
बोरा यांच्या खंडपीठासमोर सुनावणी झाली. यावेळी खंडपीठाने पोलिसांच्या कामाच्या तासावर बोट ठेवले. १२-१२ तास काम करणाऱया या पोलिसांच्या कामाचे आठ तास केले पाहिजेत तसेच किमान १२वर्षांच्या सेवेनंतर त्याना बढती दिली गेली पाहिजे असे मतही खंडपीठाने व्यक्त केले.

सामना

धक्कादायक ! प्रत्येक वर्षी 100 हून अधिक जवान करतायेत आत्महत्या

नवी दिल्ली, दि. 11 - देशात प्रत्येक वर्षी 100 हून अधिक जवान आत्महत्या करत आहेत, अशी धक्कादायक आणि तितकीच गंभीर माहिती समोर आली आहे. 2016 मध्ये विविध परिस्थितींच्या पार्श्वभूमीवर 125 जवानांनी आत्महत्या करत स्वतःचे आयुष्य संपवले आहे. संरक्षण राज्यमंत्री सुभाष भामरे यांनी शुक्रवारी लोकसभेत ही माहिती दिली आहे.

'101 सैनिक, 19 एअरमन आणि 5 खलाशांनी गेल्या वर्षी आत्महत्या केली', अशी माहिती सुभाष भामरे यांनी लोकसभेत दिली. याव्यतिरिक्त जवानांच्या हत्येच्या तीन गंभीर घटनाही समोर आल्याचेही त्यांनी सांगितले. दरम्यान, जानेवारी 2017 पासून ते आतापर्यंत 13 जवानांनी आत्महत्या केल्याच्या घटना समोर आल्या आहेत.

दुर्गम भागात देशाच्या सेवेसाठी तत्पर असलेले सैनिक तणावाखाली येऊन आत्महत्या करत असल्याचे म्हटले जात आहे.

भामरे यांनी सांगितले की, सरकारकडून या समस्यांवर उपाय काढण्याच्या दिशेने अनेक पाऊले उचलण्यात आली आहेत. यात उपजीविकेची स्थिती, चांगले राहणीमान आणि नातेवाईकांसाठी चांगल्या सुविधा याचाही उपाययोजनेत समावेश आहे. शिवाय, ताण कमी करण्यासाठी जवानांसाठी योग आणि मेडिटेशन कार्यक्रमांचीही सुरुवात करण्यात आली आहे. या कार्यक्रमांतर्गत जवानांसहीत त्यांच्या कुटुंबीयांचेही समुपदेशन करण्यात येते.

या मोहीमेत मानसोपचारतज्ज्ञांचीही मदत घेण्यात येत आहे. एका अधिका-याने दिलेल्या माहितीनुसार, आताच्या काळात जवानांचा कुटुंबीयांशी मोबाइल फोनद्वारे थेट संपर्क होत आहे, त्यामुळे अनेकदा जवानांमध्ये तणावात असतात.

दुसरीकडे, भारतातील लष्करी तळांवर झालेल्या दहशतवादी हल्ल्यानंतरही संरक्षण मंत्रालयाने तेथील सुरक्षेच्या दृष्टीने काहीच पावले उचलली नसल्याचे निदर्शनास आले आहे. भाजपाचे ज्येष्ठ नेते निवृत्त मेजर जनरल भुवन चंद्र खंडुरी यांच्या अध्यक्षतेखाली नेमण्यात आलेल्या संसदेच्या उच्चस्तरीय समितीनेच हा निष्कर्ष काढला आहे. सुरक्षेशी संबंधित मुद्द्यांवरुन समितीने सादर केलेल्या अहवालात संरक्षण मंत्रालयावर ताशेरे ओढण्यात आले आहेत. पठाणकोट दहशतवादी हल्ल्यानंतरही संरक्षण मंत्रालयाकडून महत्त्वाची व आवश्यक अशी कोणतीही पावले उचलण्यात आली नाहीत, असे समितीने म्हटले आहे.

पंजाबमधील पठाणकोट तळावर झालेल्या दहशतवादी हल्ल्यामध्ये भारताचे सात जवान शहीद झाले होते. संसदीय समितीने म्हटले आहे की सुरक्षेत सुधारणा करण्यासाठी लेफ्टनंट जनरल फिलीप काम्पोज यांनी मे 2016 मध्येच आपला अहवाल सोपवला होता. मात्र त्यानंरही संरक्षण मंत्रालयाने कोणतीही हालचाल केल्याचे दिसलेले नाही. संसदेत गुरुवारी सादर केलेल्या अहवालात म्हटले की, पठाणकोट आणि उरी हल्ल्यावेळी परिस्थिती जितकी गंभीर होती, तशीच परिस्थिती आजही कायम आहे. लेफ्टनंट जनरल काम्पोज यांचा अहवाल सादर होऊन 6 ते 7 महिने झाले तरी अद्याप ठोस निर्णय किंवा पाऊल उचलण्यात आल्याचे दिसत नाही.

ऑनलाइन लोकमत

५० गावे दत्तक घेणार राष्ट्रपती

चंदीगड - हरियाणामधील 50 गावे दत्तक घेऊन त्यांचा विकास करून ती गावे स्मार्ट व्हिलेज करण्याची इच्छा राष्ट्रपती प्रणव मुखर्जी यांनी व्यक्त केल्याची माहिती हरियाणाचे मुख्यमंत्री मनोहरलाल खट्टर यांनी दिली आहे. विधानसभेच्या अर्थसंकल्पाच्या शेवटच्या सत्रात खट्टर यांनी सांगितले की, राष्ट्रपतींनी स्मार्ट व्हिलेजअंतर्गत जुलै 2006मध्ये 5 गावे दत्तक घेतली होती. या पाच गावांच्या 5 कि.मी. अंतरात येणार्‍या आणखी 50 गावे ते दत्तक घेणार आहेत.

राष्ट्रपती प्रणव मुखर्जी यांनी गुडगाव जिल्ह्यातील अलीपुर, दौला, हरचंदपुर, ताजनगर आणि मेवात जिल्ह्यातील रोजकामेव ही गावे दत्तक घेतली होती. मुख्यमंत्री खट्टर म्हणाले, या पाच गावात आरोग्य, कौशल्य विकास, शिक्षण आणि कृषि संदर्भात सेवा उपलब्ध करून देण्यात आल्या आहेत.

हरियाणासाठी ही गौरवाची बाब असून राष्ट्रपतीद्वारा 11 नोव्हेंबर 2016 रोजी दत्तक घेण्यात आलेल्या 5 गावांचा स्मार्ट विकास होत आहे. याबद्दल राष्ट्रपती मुखर्जी यांचे आभार मानतो.

मागील वर्षी राष्ट्रपती प्रणव मुखर्जी यांनी स्मार्ट मॉडेल व्हिलेज योजनाचा शुभारंभ करत हरियाणातील पाच गावे दत्तक घेतली होती. या गावांना आदर्श गाव म्हणून विकसीत करण्याचे लक्ष्य निश्‍चित करण्यात आले होते. या योजनेच्या शुभारंभासाठी राष्ट्रपती भवनात खास कार्यक्रम आयोजित करण्यात आला होता. यात मुख्यमंत्री मनोहरलाल खट्टर, केंद्रीय ग्रामविकास मंत्री चौधरी बीरेद्र सिंह, मंत्री ओम प्रकाश धनखडसह पाच गावांचे सरपंच उपस्थित होते. तसेच राष्ट्रपतींनी या पाच गावातील नागरिकांना व्हिडिओ कॉन्फ्रेंसिंगद्वारे संबोधित केले होते.