बीजिंग - वादग्रस्त बनलेल्या दक्षिण चिनी समुद्रात मे महिन्यात विविध लष्करी सरावांचे आयोजन करण्यात येणार असल्याची माहिती चीनच्या सरकारी वृत्तसंस्थेने दिली आहे. ‘मे महिन्यात चीनच्या लष्करातर्फे दक्षिण चिनी समुद्रात लष्करी सरावांचे आयोजन करण्यात आले असून, त्यात अत्याधुनिक युद्धनौका आणि पाणबुड्यांचा समावेश असे,‘‘ असे सरकारी वृत्तसंस्थेने दिलेल्या वृत्तात म्हटले आहे. तेलाचे मोठ्या प्रमाणात साठे असलेल्या दक्षिण चिनी समुद्रावर चीनने आपला हक्क सांगितला आहे. या समुद्रातून मोठ्या प्रमाणात व्यापार ही होतो, त्यामुळे चीनबरोबरच फिलिपाईन्स, ब्रुनेई, व्हिएतनाम, मलेशिया आणि तैवान आदी देशांनीही हक्क सांगितल्यामुळे वाद निर्माण झाला आहे. दक्षिण चिनी समुद्रातील मे महिन्यात चीनकडून लष्करी सरावाचे आयोजन करण्यात आले आहे. त्यात अत्याधुनिक युद्धनौका, पानबुड्यांचा समावेश आहे, असे सांगण्यात आले.
कोणत्याही टिप्पण्या नाहीत:
टिप्पणी पोस्ट करा