सामना ऑनलाईन । नवी दिल्ली
सीमेवर शस्त्रसंधीचे उल्लंघन करण्याचा सपाटाच पाकिस्तानने लावला आहे. ‘आळशी’ आणि निक्रिय केंद्र सरकारमुळेच हे घडत असून त्यात हिंदुस्थानी जवानांचा रोज बळी जात आहे, अशा शब्दांत गुरुवारी शहीद झालेल्या नाईक बख्तवार सिंग या जवानाच्या कुटुंबीयांनी संताप व्यक्त केला.
नौशेरा येथे पाकड्य़ांच्या हल्ल्यात बख्तवार सिंग शहीद झाला. डबडबत्या डोळ्यांनी वीरपत्नी जसबीर कौर यांनी पती शहीद बख्तवार सिंग यांच्या पार्थिवाचे अंत्यदर्शन घेतले आणि सॅल्यूट केले. माझे पती देशासाठी शहीद झाले याचा मला गर्व आहे. आपल्या वडिलांच्या मृत्यूचा बदला माझा मुलगा घेईल. मुलगाही लष्करामध्ये भरती होईल असे त्यांनी सांगितले.
जुनैदला दफन; दहशतवाद्यांचा गोळीबार
दहशतवादी जुनैद मट्टू याला आज कुलगाम जिल्हय़ात दफन करण्यात आले. जुनैदच्या जनाजावेळी दहशतवाद्यांनी मातम करीत हवेत गोळीबार केला. यावेळी मोठय़ा संख्येने आजूबाजूच्या गावातील नागरिक जनाजासाठी आले होते.
कोणत्याही टिप्पण्या नाहीत:
टिप्पणी पोस्ट करा