पंजाबमधील पठाणकोट येथील दहशतवादी हल्ल्याशी संबंधित दहशतवाद्यांनी फोनवरून पाकिस्तानमध्ये संपर्क साधल्याचे निष्पन्न झाले आहे.
तसेच हल्ल्यामागे पाकिस्तानचा हात असल्याचा संशयही गुप्तचर सूत्रांकडून व्यक्त केला आहे.
पठाणकोटमध्ये दहशतवादी हल्ला करण्याची पद्धती आणि इतर माहितीवरून हा हल्ला जैश-ए-मोहंमद या संघटनेने घडवून आणला असण्याची शक्यता व्यक्त करण्यात येत आहे.
हैदराबाद येथे सोमवारी एका कार्यक्रमात बोलताना गडकरी यांनी पाकिस्तानला इशारा दिला.
गडकरी म्हणाले, की आम्हाला पाकिस्तानसोबत मैत्रीपूर्ण संबंध ठेवायचे आहेत. पण, याचा अर्थ आम्ही कमजोर आहोत असा होत नाही.
भारताविरोधात कारवाईसाठी पाकिस्तान अशा प्रकारची मदत करत असेल, तर आम्हीही चोख प्रत्युत्तर देवू. दहशतवादी सतत सीमेपलिकडून भारतीय हद्दीत घुसत आहेत.
पाकिस्तानला माहिती आहे, की ते भारताविरोधात उघडपणे युद्ध जिंकू शकत नाही. त्यामुळे ते अशा प्रकारची कृत्ये करून निष्पाप नागरिकांचा बळी घेत आहेत.
[वृत्तसंस्था]
नवी दिल्ली - बिहार विधानसभेतील पराभव तसेच नागरीकांमध्ये सरकारी योजनांच्या प्रचार-प्रसाराचा अभाव यामुळे केंद्रिय मंत्र्यांना सोशल मिडियाचा अधिकाधिक वापर करण्याची सूचना पंतप्रधान कार्यालयाने (पीएमओ) केली आहे. 
नवी दिल्ली - पठाणकोटमधील हवाईतळावर झालेल्या दहशतवादी हल्ल्याच्या पार्श्वभूमीवर भारत आणि पाकिस्तानमध्ये 15 जानेवारीला होणारी परराष्ट्र सचिव पातळीवरील बैठक रद्द करण्याचा भारत विचार करत असल्याचे सूत्रांनी सांगितले आहे. 
बीजिंग - पठाणकोट येथे झालेल्या दहशतवादी हल्ल्याच्या पार्श्वभूमीवर राष्ट्रीय सुरक्षा सल्लागार (एनएसए) अजित दोवल यांचा चीन दौरा रद्द करण्यात आल्याची घोषणा आज (सोमवार) करण्यात आली. दोवल हे उद्यापासून (मंगळवार) चीनच्या उच्चस्तरीय अधिकाऱ्यांशी महत्त्वपूर्ण चर्चेस प्रारंभ करणार होते. मात्र या दहशतवादी हल्ल्यामुळे दोवल यांचा दौरा पुढे ढकलण्यात आल्याचे स्पष्ट झाले आहे. 
अंबाला - पठाणकोट येथील भारतीय हवाई दलाच्या तळावर झालेल्या दहशतवादी हल्ल्यावेळी दहशतवाद्यांचा सामना करताना हुतात्मा झालेल्या माझ्या मुलाचा मला अभिमान आहे, अशी भावना सुचा सिंग यांनी आज (सोमवार) व्यक्त केली. सुचा सिंग यांचा सुपुत्र व भारतीय लष्करामधील गरुड कमांडो दलाचा जवान गुरसेवक सिंग हा पठाणकोट येथील हल्ल्यादरम्यान हुतात्मा झाल्याचे निष्पन्न झाले आहे. गुरसेवक याचे अवघ्या दिड महिन्यापूर्वी लग्न झाले होते. देशासाठी बलिदान केलेल्या आपल्या पुत्राचा सार्थ अभिमान असल्याचे सिंग यांनी यावेळी सांगितले. 
पुणे - धर्म, न्याय आणि नीतीनुसार छत्रपती शिवाजी महाराजांनी आदर्श हिंदवी स्वराज्य निर्माण केले. हा विचार पुढे नेताना शिवविचार आणि शक्ती यांचा संगम व्हायला हवा, असा नारा देत सरसंघचालक मोहन भागवत यांनी राष्ट्रीय स्वयंसेवक संघाची आगामी दिशा "शिवशक्ती संगम‘ कार्यक्रमात रविवारी स्पष्ट केली. शक्तीशिवाय प्रतिष्ठा नाही असे सांगत, देशाला परमवैभवाला नेण्यासाठी संघाशिवाय तरणोपाय नसल्याचेही त्यांनी नमूद केले.
चंदीगड- पाकिस्तानने पठाणकोटमधील दहशतवादी हल्ल्याचा जाहीर निषेध केला आहे. मात्र संबंधित दहशतवाद्यांनी फोनवरून पाकिस्तानमध्ये संपर्क साधल्याचे निष्पन्न झाले आहे. तसेच हल्ल्यामागे पाकिस्तानचा हात असल्याचा संशयही गुप्तचर सूत्रांकडून व्यक्त केला आहे. पंतप्रधान नरेंद्र मोदी यांनी नुकताच अफगाणिस्तान आणि पाकिस्तानचा दौरा केला होता.
बंगळूर- पठाणकोट हवाई तळावरील दहशतवादी हल्ल्यानंतरच्या कारवाईदरम्यान रविवारी हौतात्म्य आलेले राष्ट्रीय सुरक्षा दलाच्या बाँबविरोधी पथकाचे लेफ्टनंट कर्नल निरंजन कुमार यांचे पार्थिव आज (सोमवार) सकाळी विमानाने बंगळूरला आणण्यात आले. 
पठाणकोट - "व्यूहात्मकदृष्टया अत्यंत महत्त्वपूर्ण स्थान असलेला पठाणकोट येथील विमानतळ उध्वस्त करण्याच्या उद्दिष्टाने दहशतवादी येथे आले होते; मात्र या विमानतळावरील सर्व सामग्री व कर्मचारी आता सुरक्षित आहेत,‘ असे भारतीय लष्कराच्या एका उच्चस्तरीय अधिकाऱ्याने आज (सोमवार) सांगितले. 
काबूल - उत्तर अफगाणिस्तानमधील मझार ए शरीफ या देशातील तिसऱ्या सर्वांत जास्त लोकसंख्येच्या शहरामधील भारतीय वकिलातीवर दहशतवाद्यांनी मोठा हल्ला केला. या वकिलातीमधील सर्व कर्मचारी सुरक्षित असल्याची माहिती अफगाणिस्तानमधील भारतीय राजदूत अमर सिन्हा यांनी य पार्श्वभूमीवर दिली आहे. 
